Энэ 4 сайдаас бусдыг нь солино

Энэ 4 сайдаас бусдыг нь солино

Дандаа асуудал дагуулж, маргаан дэгдээж байдаг “давхар дээл”-ийн асуудал өнөөдөр эцэслэгдэнэ. Тодруулбал, Үндсэн хуулийн цэцийн Их суудлын хуралдааныг өнөөдөр товлоод байгаа бөгөөд 2019 оны Үндсэн хуулийн нэмэлт, өөрчлөлтөөр баталсан “Ерөнхий сайд болон Засгийн газрын гишүүдийн дөрвөөс илүүгүй нь УИХ-ын гишүүн байж болно” гэж заасан нь Үндсэн хууль зөрчсөн эсэхийг хянан хэлэлцэх юм.

УИХ-ын гишүүн Ш.Адьшаа, Н.Ганибал нар өнгөрсөн жил дээрх заалт Үндсэн хууль зөрчиж байна гэж Цэцэд өргөдөл гаргасан. Тэд “давхар дээл” Үндсэн хууль зөрчиж байна гэж Цэцэд гомдол гаргаснаараа олонхын бүлгийн хүслийг биелүүлсэн цөөнхийн бүлгийн гишүүд болж хувирсан юм.

Үүнээс өмнө Т.Доржханд гишүүн мөн л олонхын бүлгийн хүслийг биелүүлээд Цэцэд хандсан.  Хэрвээ Цэц Засгийн газрын гишүүдийн дөрвөөс илүүгүй нь УИХ-ын гишүүн байна гэж хязгаарласан Үндсэн хуулийн нэмэлт, өөрчлөлт нь Үндсэн хууль зөрчсөн гэж үзвэл “давхар дээл”-тийн тоо нэмэгдэнэ.

Бүр их суудлын хуралдааны шийдвэр эцсийнх учраас шууд хэрэгжээд явчихна гэж ойлгож болно. Энэ хэрээр Засгийн газрын бүрэлдэхүүнд хөдөлгөөн орох нь тодорхой хэмээн дараагийн сайдуудын буухиа эхлээд байгаа.

Ерөнхий сайд Л.Оюун-Эрдэнийн уг нь 18 сайдтай ажиллах ёстой, 16-тай яваа. Цэцийн шийдвэрийг харж байгаад нэмэх хоёр болон байгаа 16-даа өөрчлөлт хийхээр болоод байгаа юм.

Ямартай ч одоогийн 16 сайдаас дан буюу сул хүмүүсээ бүгдийг үдэхээр шийдээд байгаа аж. Учир нь төсөв болон бусад асуудлыг УИХ-д оруулахад тэд дэндүү жулдаад, худалч хүнд анхны хэлэлцүүлгийн үеэр бүдэрчих гээд сандаргадаг.

Тиймээс “дан дээл”-түүд Засгийн газарт хүч нэмэх бус харин ч чөдөр болчхоод байгаа. Тэр ч утгаараа сайдуудаа үдэхээр дараагийн яриа явагджээ. Харин БХБ-ын сайд Б.Мөнхбаатарыг чирч үлдэх гэнэ.

Мань хүний авч үлдэж, сая эхлүүлсэн  Хөшигийн хөндийн шинэ суурьшлын бүсийн ажлыг дуусгуулахаар болжээ. Харин “давхар дээл”-түүдтийн хувьд Шадар сайд С.Амарсайхан, ХЗДХ-ийн сайд Х.Нямбаатар, Сангийн сайд Б.Жавхлан гурав үлдэнэ.

Харин Л.Энх-Амгалангийн хувьд энэ хичээлийн жилийн эхлэл ямар байхаас ихээхэн зүйл шалтгаална гэж ярилцсан байна. Үндсэндээ дараагийн Засгийн газарт 13-14 сайд хэрэгтэй бөгөөд Ерөнхий сайд ер нь “давхар дээл” хэрэгтэй юм байна гэдгийг тооцоолж, бас ч үгүй МАН дотор ч энэ яриа хэдийн хэрэгжих шатанд хүртлээ яригдчихсан.

УИХ-ын гишүүд ч “уралдааны морьд” аятай дүүхэлзэж, МАН-ын даргадаа биш олон нийтээс “очков” авчих гээд сүгсэлзэх болоод байна. Юутай ч Үндсэн хуулийн Цэцийн их суудлын хуралдааны шийдвэрийг харж байгаад гараанаасаа гарах нь дээ.


Leave a Reply

Your email address will not be published.

FOLLOW дарж үзнэ үү